Archiv

Sessionlied 2009/2010

"Mit Volldampf jebütz"

Text und Musik: Simon Daniel Flottmann

Strophe 1

Am elfte elfte op d‘r Hühmaat em schönste Sunnesching.
Minge eetste Fastelovend he in Kölle am Rhing.
Ich hatt kei’ Kostüm, dröm sproch ich dich aan,
ob ich mir ding Pappnas koot ens liehne kann.
Un dobei kome mir uns noh.
Doch noch hück verstonn ich nit, wat dodrop jeschoh.

Refrain

Denn dann han ich dich mit Volldampf jebütz
un du laachs dobei janz verschmitz’.
Ävver donoh leets du mich einfach stonn,
wohin sull ich ohne dich jonn?
Jo, dann han ich dich mit Volldampf jebütz
un du laachs dobei janz verschmitz’.
Ävver donoh leets du mich einfach stonn,
wohin sull ich ohne dich jonn?

Strophe 2

An Wieverfastelovend wullt ich op d’r Vringsstrooß fiere.
Ich danz zu kölscher Musik un drinke e’ paar Biere.
Do küss do us de Meng’ un nimms mich in et Jebett,
„Jung, ich jläuv, ich zeich’ dir, wie dat Danze wirklich jeiht.“
Un dobei koome mir uns widder noh,
doch ahnten ich ald, wat dodrop jeschoh.

Refrain

Denn dann han ich dich mit Volldampf jebütz
un du laachs dobei janz verschmitz’.
Ävver donoh leets du mich einfach stonn,
wohin sull ich ohne dich jonn?
Jo, dann han ich dich mit Volldampf jebütz
un du laachs dobei janz verschmitz’.
Ävver donoh leets du mich einfach stonn,
wohin sull ich ohne dich jonn?

Bridge

Hück hät däm Nubbel sing letzte Stunde jeschlaare,
du steihs widder bei de Jecke, un ich mööchte dir noch saare:
„Ich han kei’ Kostüm, un danze kann ich nit,
ävver he vür’m Nubbel, do singen ich nur für dich!“

Refrain

Un dann häs du mich mit Volldampf jebütz’,
un du laachs dobei janz verschmitz’.
Du sääs „Jung, kumm ens bei mich bei,
am Äschermettwoch is nit alles vorbei“.
La la la la la la la la la, la la la la la la la la la.
La la la la la la la la la, la la la la la al la.
La la la la la la la la la, am Äschermettwoch is nit alles vorbei!